الأربعاء، أبريل ٢٦، ٢٠٠٦

عيرة - علي سلامة


الشعر عيرة والكحل عيرة
والورد فوق الخد
ولحد الضفيرة عيرة
الصبر عيرة والضحك عيرة
والفرح والأحزان كمان وحاجات كتيرة
حتى الحنان جوه البيوت
حتى الكلام...حتي السكوت
حتى الهتاف جوه المسيرة برضه عيرة
حيرني حيرة
بقينا ليه حبة حاجات
قمصان بدل على بالونات
ما بقيتش شايف إيه اللي جاي وإيه اللي فات
ما بقيتش افرق
ده أزرق ده ولا أحمر رمادي
ودي كارثة ولا ده وضع عادي
وده طفل ولا راجل عجوز
وده إيه ده راخر
جايز يجوز
نعسان ده ولا ساكت وساير
بردان ده ولا ده دور وداير
وده إحنا ولا الكل حاير

(القصيدة منشورة بإذن من الشاعر)


هناك ١٧ تعليقًا:

حدوته مصرية يقول...

اسعدنى انى الاقى قصيدة لعلى سلامة عند حد من اصحاب البلوجرات
شكرا

إبراهيم السيد يقول...

loved it

thanks alot for all those lovely poems..

7ader يقول...

حيرة بين اني اقول جميله او رائعة

ياسمين حميد يقول...

لماذا أوقفتِ مدونة حواديت؟

غير معرف يقول...

شكرا على الاختيار الممتاز والاحساس العالى
تقبلى تحياتى
بلادونا

Amal Ziad Kaawash أمل زياد كعوش يقول...

باقة رائعة من القصائد

يعطيك العافية

Yamen يقول...

شد الحنين كلمتي و كتببها مكتوب
و كتابته كانت شجر ضلل ف ريحه قلوب
قلبي و قلب الناس اللي عليهم داس
عجل الزمان و انطوى و كان شروقه غروب
" يامن الجنيدي "

علي سلامة......نورتنا

Frenzy يقول...

ألف شكر ليك

Islam Attia يقول...

ان تنسي و طاقة نور و كمان عيرة اللة يسامحك

حاجات كتير يقول...

انا بجد نفسي الاقي دواوين للشاعر العظيم دة انا بس بقرا شعره في جريدة الدستور لو تعرفي موقع او مكان اجيب شعر على سلامة منه يبقى تشكري بجد http://masreya-2awy.blogspot.com/

عتلم يقول...

تجميع رائع لحالات نادره ..شعر وقصه وهواجس
دعوه لرزبارة متصفحي مع التحيه
http://el-asfour.blogspot.com/

عبد المجيد

كلمات الصمت يقول...

حلوه اوى اشعار على سلامه
وحلوه كلمه عيره ليقه اوى على الدنيا

غير معرف يقول...

الله يبارك فيك يا علي يا سلامة ويبارك في اهلك واولادك
اخيك بالفم المليان
مهدي المصري

ادسنس يقول...

تسلم ياغالى على الموضوع والمدونة الرائعة
ادسنس-اشهار المواقع-التسويق الالكتروني

Umzug Wien يقول...

Vielen Dank .. Und ich hoffe, Sie Mved Entwicklung und Schreiben von verschiedenen Themen :)

entrümpelung wien يقول...

Vielen Dank ... Wo neue Themen?

entrümpelung wien يقول...

شكرا على الموضوع
entrümpelung
umzug
Räumung
Kleintransport Wien
Wohnungsräumung Wien
botendienst Wien