السبت، يوليو 23، 2005

لما نبقى لوحدنا - أحمد حداد



لما نبقى لوحدنا...مين قَدِنا
كل الطيور بتيجي ترتاح جنبنا
وسط الزحام بنتوه كتير عن بعضنا
لكن الخلا قادر يجمّع حبنا

لما بنبقى لوحدنا تحت القمر
والدنيا ليل والقلب بيحب السهر
وأما الطيور بتنادي من فوق الشجر
كل الحاجات الحلوة تبقى ملكنا

لما بنبقى لوحدنا باقول كلام
عمري ما قلته في القصايد والمنام
أصلك يا روح قلبي النسايم والغرام
وانتي الملاك اللي بيسعد أرضنا

لما بنبقى لوحدنا وفي إيدي عود
وإنتي نايمة في المطر وسط الورود
ياللي إنتي أجمل بنت عايشة في الوجود
ومن المطر...وحده الوتر يعزفلنا

لما بنبقى لوحدنا باقول باحبك
نامي في قلبي ونيميني جوه قلبك
تعالي مرة زوريني في جزيرتي بقى
نفسي القمر ييجي ويسكن عندنا


(أحمد حداد من ديوان "الورد اللي بيطلع" (المركز المصري العربي – 2000

هناك 23 تعليقًا:

sydalany-وش مكرمش يقول...

مش عارف تصورت إنه شخص هاوي
مش المستوى اللي أتوقعه إنه ينزل في ديوان

لكن في الإطار العادي بتاع الهواة فهو ممتاز
ومش ممتاز بس
لأ رائع

أما على مستوى الإحتراف مش حكتب غير حبة علامات إستفهام
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

santakarim يقول...

i totally agree with this comment ..

حـدوتـة يقول...

صدر لأحمد حداد ديوان واحد وجاري إصدار الثاني. أحمد كمان قدم أمسية شعرية من أشعاره في الساقية من كام شهر، وله قصيدة بيغنيها يحيى غنام

Gazzer يقول...

3aref ya Kareem, el moshkela eny lama bashouf a7mad 7adad ba7es eny mosh mesada2 el kalam ely by2oulo..
mosh 3aref leh...
ya rab akoun 3'altan:)

w ana 3andy nafs 3alamat el estefham
????????????

عمرو يقول...

أحمد حداد شاعر جميل جدا وشاب جدا من مواليد 1984. ديوانه "الورد اللي بيطلع" هو أول دوواينه وقد صدر في عام 2000 أي عندما كان عمره 16 عاما.

الديوان يضم أشعار كتبها بين الرابعة عشرة والسادسة عشرة.

حـدوتـة يقول...

امممم...أنا مش فاهمة إيه مجال علامات الاستفهام بظبط...مستغربين من إيه؟

صيدلاني: هو إيه الإطار العادي بتاع الهواة ده؟

أحمد عنده حاجات أحلى من القصيدة دي بكتير بس لسه ما اتنشرتش للأسف

جاسر...بما إنك مفروض عارف أحمد فمفروض تكون عارف إنه بيكتب من قلبه...أنا عن نفسي عمري ما حسيت إنه مش مصدق نفسه أو بيكتب من ورا قلبه

سامية يقول...

ملحوظة هامة: تلك القصيدة كتبت في الأصل لتغنى. يعني بمعنى أصح هي أغنية وكتابة الأغاني مجرد قشة في بحر موهبة أحمد حداد. وان كان ده بالنسبة لكم "شعر هواه" -اللي هو محدش لغايةدلوقتي وضح هو ايه- فاللهم أزد من الهواه وقلل ممن يدعون أنهم شعراء!

اضافة الى ما قاله عمرو: ديوان "الورد اللي بيطلع" يشمل قصائد كتبها أحمد وهو في الثانية عشر من عمره

سامية يقول...

وها هي أولى قصائده

Lone Wolf يقول...

احمد حداد مشروع شاعر جيد,المشكلة, في رأيي,هي مقدار الضغط الموضوع علية نتيجة كونة حفيد اهم شاعرين في تاريخ العامية المصرية-فؤاد حداد و صلاح جاهين, مما اجبرة علي لبس رداء اكبر من حجمة مبكرا جدا

طبعا علي الجانب الاخر افادة هذا بأن سمح لة ان ينشر في سن مبكر جدا و هو ما لم يكن ليحدث مع احد اخر مهما كانت موهبتة.

المعضلة الاساسية في رأيي هي انفصال احمد حداد(الذي لا اعرفة شخصيا) عن الشارع ,اعتقد ان الشاعر يجب ان يحتك بالمجتمع و الا تحول الي شاعر مناسبات كاحمد شوقي,و لعلنا نتذكر وصف امين حداد,ابوة شخصيا لة في ديوانة الاخير"في الموت ها نعيش" :

"بس ابني بيخاف من الشارع
و الشارع ما بيرحمش"

اتمني ان لا تكون الذاكرة قد خانتني

سامية يقول...

حلوة "سمح له" دي.. يعني إيه سمح له؟ لمعلوماتك أحمد نشر الديوان على حسابه وموضوع أجداده ده ماكانش ليه أي علاقة بالنشر. ثانياً أي حد في الدنيا عنده حاجة صالحة للنشر ممكن ينشرها وبأقل الثمن كمان. وإن كان مش ممكن يحصل مع آخر مهما كانت موهبتهزي ما انت ما بتقول كيف تفسر أطنان دواوين أنصاف الموهوبين الملقاة عند البياعين وفي دور النشر؟

أما بالنسبة للشارع فبما إني خالة أحمد أنا كمان أعرفه شخصياً وأحب أقولك انه "شوارعي" ولا أفتخر! :) وموضوع ابني بيخاف م الشارع اللي انت بتستشهد بيه، دي قصيدة كتبها أمين حداد زمان لما كان أحمد صغير ومالهاش علاقة بالاحتكاك بالشارع والكلام ده. وحتى لو كانت مكتوبة النهارده هو شعر أمين بالسذاجة دي انه يكون يقصد ببيت "ابني بيخاف من الشارع" انه ابنه منفصل عن الشارع وغير محتك بالناس؟

Bluesman يقول...

سلام
شكرا لهذه الفسحة الجميلة

غير معرف يقول...

dears
i think u have to go to this blog
http://bokra-a7la.blogspot.com
salam

Amira يقول...

Ahmed, i think it's amazing and i know u have more talent than that, i've read and attended some of ur stuff...tc
Amira...(sharm :))

اخبار اليوم يقول...

تسلم ايديك على الموضوع
اخبار اليوم-اخبار مصر

ادسنس يقول...

تسلم ياغالى على الموضوع والمدونة الرائعة
ادسنس-اشهار المواقع-التسويق الالكتروني

entrümpelung wien يقول...

شكرا على الموضوع
entrümpelung
umzug
Räumung
Kleintransport Wien
Wohnungsräumung Wien
botendienst Wien

entrümpelung wien يقول...

شكرا على الموضوع
entrümpelung
entrümpelung
entrümpelung wien

entrümpelung wien يقول...

شكرا على الموضوع الرائع المميز
entrümpelung
entrümpelung wien
entrümpelung
entrümpelung wien

ماكينات طباعة يقول...

اتمنى لكم المزيد من التمييز ... وعرض جديدكم 
ماكينات طباعة
مقص ورق
مقص بولر-طوايه
ماكينه طباعه ريوبى

umzug يقول...

مشكوووور .. وتسلم ايديك على الموضوع الممتاز
umzug-Transport
Räumung-bookmarks

الربح من الانترنت يقول...

الف شكر على الموضوع الرائع
التسويق الالكتروني
bookmarks

umzug يقول...

Thanks for the blog
umzug wien
umzug wien
umzug
umzug-umzug
Wohnungsräumung

arab girlscool يقول...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول