الجمعة، مارس 04، 2005

ليه يا أمينة - أمين حداد




الشمس بتضرب زمامير
وتفتح شبابيك الغرفة
يا حبيبتي دي كل العصافير
بتعيش وتموت بالصدفة


أنا عايش في الحلم الصيفي
والصوت اللي في ودني يشخلل
غويشاتك ياللي على كتفي
راح اشوفك إمتى وأصهلل


بفرد جسمي زي النيل
وارفع إيدي زي الدلتا
بيني وبينك صبر جميل
ساكنه في قلبي في أجمل حته


مش عارف اذاكر ولا افكر
وبازعق زي المجنون
أنا من غيرك ميه بسكر
لموناته مش لاقيه لمون


الألوان الغامقة رزينة
والألوان الفاتحة تغش
صور الزيت علشان الزينة
والصالونات معمولة بقش
صورتي لوحدي حزينة حزينة
صورتي معاكي عسل وطحينة
قاعدة لوحدك ليه يا أمينة
الأيام دي ما تتعوضش


أمين حداد من ديوان ريحة الحبايب

هناك 12 تعليقًا:

Lone Wolf يقول...

معلش يا حدوتة,انا ما قريتش لامين غير في الموت ها نعيش,اعرف انة لو ديوان سابق او اكثر,هل اصدر اعمال جديدة بعد في الموت ها نعيش؟؟

حـدوتـة يقول...

هو له ديوانين قبل في الموت حنعيش: ريحة الحبايب وحلاوة الروح

Lone Wolf يقول...

و دور صدروا عن دور نشر اية؟؟

حـدوتـة يقول...

ريحة الحبايب صدر 1990 عن دار على مختار (الشركة العربية للدراسات و النشر) وده نافذ من السوق

اما حلاوة الروح فمش فاكرة اتنشر امتى والنسخة اللي عندي مصوراها من أمين أصلاً فمش عليها دار النشر بس هي برضه نفذت

Lone Wolf يقول...

شكرا عالمعلومات يا استاذة

Ahmed Nasr يقول...
أزال أحد مشرفي المدونة هذا التعليق.
Ahmed Nasr يقول...
أزال أحد مشرفي المدونة هذا التعليق.
Ahmed Nasr يقول...
أزال أحد مشرفي المدونة هذا التعليق.
Ahmed Nasr يقول...

حلاوة الروح- أمين حداد
الهيئة العامة لقصور الثقافة
أصوات أدبية - 228
يناير 1998

حـدوتـة يقول...

بظبط زي ما أحمد قال كده :)

اخبار اليوم يقول...

تسلم ايديك على الموضوع
اخبار اليوم-اخبار مصر

arab girlscool يقول...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول
غلا الروح
شات غلا الروح
شات صوتي