الثلاثاء، أبريل ١٢، ٢٠٠٥

كلام الليل - صلاح جاهين


كلام الليل كده
جميل زي الندى
ييجي النهار ويروح
ما يعود إلا صدى
كلام الليل كده


الليل نجومه كلام
لولي ودهب يا سلام
ونسيمه همس وغرام
والبدر سلطانه


الليل نجومه وعود
يا هنيا للموعود
والصبح كل العهود
ما كأنهم كانوا


الليل نجومه سطور
بيننا وبينه بحور
أول ما ييجي النور
تتهد عمدانه
وينادي كروانه
كلام الليل كده


كلام الليل كده
جميل زي الندى
ييجي النهار ويروح
ما يعود إلا صدى
كلام الليل كده


"من ديوان "منوعات غنائية




هناك تعليقان (٢):

غير معرف يقول...

الدليل الشامل للمدونات العربية
سياسة ، اقتصاد ، ثقافة ، حوار ،
أدب ، شعر ، فن والمزيد

http://blogsguide.blogspot.com/

entrümpelung wien يقول...

شكرا على الموضوع
entrümpelung
umzug
Räumung
Kleintransport Wien
Wohnungsräumung Wien
botendienst Wien